* शंकांचे निरसन ब्युटी एक्सपर्ट, इशिका तनेजा यांच्याकडून
- मी १८ वर्षीय तरूणी आहे. उन्हात फिरल्याने माझा चेहरा खूप टॅन झाला आहे. मला ब्लीच वापरून पाहायचे आहे. पण याबाबत मला फार माहिती नाहीए. कृपया माझ्या त्वचेनुसार मी ब्लीचचा वापर कसा करू ते सांगा?
जर तुमची त्वचा सेंसिटिव्ह असेल तर लॅक्टो ब्लीचचा वापर करायला हवा. लॅक्टो ब्लीचने त्वचेवर अॅलर्जी येण्याची शक्यता कमी असते. ऑक्सि ब्लीच सगळया प्रकारच्या त्वचेला चांगले ठेवते, तर गोऱ्या रंगासाठी केशरयुक्त ब्लीच चांगले असते. सावळया रंगासाठी पर्ल ब्लीचचा वापर कारायला हवा. जर तुम्ही लग्न, अथवा पार्टीसाठी ब्लीच करू इच्छिता तर इन्स्टंट ग्लोकरीता गोल्ड ब्लीचचा वापर करा.
- माझे वय २५ वर्षं आहे. चेहऱ्यावर पिंपल्ससोबत टॅनिंगसुद्धा आहे. कृपया सांगा की मी काय करू, जेणेकरून माझे पिंपल्स आणि टॅनिंगचा त्रास नाहीसा होईल?
पपई अथवा केळ कुस्करून टॅनिंग आहे तिथे लावा. पपई आणि केळ यांच्या पल्पमध्ये बटाटा आणि टोमॅटोचा रस मिसळून ते पिंपल्स असलेल्या जागी लावा. १० मिनिट लावून ठेवा. नंतर चेहरा धुवा.
- चेहऱ्यावर इंस्टंट ग्लो आणण्यासाठी एखादा घरगुती उपाय सांगा?
२ चमचे चंदन पावडमध्ये थोडे गुळाबजल मिसळून पेस्ट बनवा. आता हे चेहऱ्यावर लावा आणि १०-१५ मिनिटं तसेच लावून ठेवा. नंतर स्वच्छ पाण्याने धुवा. यानंतर सौम्य मॉइश्चरायझर लावा.
- माझे वय १७ वर्षं आहे. माझे केस अजिबातच वाढत नाहीत. कृपया ते लांबसडक आणि दाट होण्यासाठी काही घरगुती उपाय सांगा.
व्हिटॅमिन ई केसांसाठी आवश्यक पोषकतत्त्व आहे. लिंबाचा रस आणि ऑलिव्ह तेल याचे मिश्रणसुद्धा व्हिटॅमिन ईचा सर्वात चांगला पयार्य आहे. केसांसाठी मास्क करायचा असेल तर एका वाटीत १० मिमी. लिबांचा रस घ्या आणि यात १० मिमी. ऑलिव्ह तेल घ्या. हे मिश्रण छान मिसळा व आपल्या केसांना लावा आणि २० मिनिटे ठेवल्यावर स्वच्छ पाण्याने धुवा. हे तुम्ही आपल्या घरीसुद्धा करुन पाहू शकता. हे तुमच्या केसांसाठी खुपच लाभदायक आहे. या मिश्रणातील पोषक घटक तुमच्या केसांचे होणारे नुकसान टाळते आणि त्यांना नैसर्गिक चमक देते.
- माझे वय ३० वर्षं आहे. काही दिवसांपासून माझी त्वचा सैल पडते आहे. त्वचा टाईट करायला एखादा प्रभावी आणि सोपा घरगुती उपाय आहे का?
सैल त्वचेला टाईट करण्याकरिता तुम्ही एका वाटीत केळं व्यवस्थित बारीक कुस्करून त्यात लिंबाच्या रसाचे काही थेंब टाका. आता हे मिश्रण चांगल्या प्रकारे फेटून घ्या जेणेकरून छान पेस्ट तयार होईल. ही पेस्ट आपल्या चेहऱ्यावर मास्कप्रमाणे लावा. फेस पॅक चांगला वाळल्यावर गरम पाण्याने धुवा.
केळ्यात असलेले व्हिटॅमिन आणि खनिज पदार्थ अॅन्टीएजिंगचे कार्य करतात. नियमित या फेस मास्कचा उपयोग केल्यास उत्तम आणि टाईट त्वचा मिळवण्यात मदत होऊ शकते.
तुम्ही नियमित त्वचेला खोबरेल तेल लावा. यासाठी झोपण्याआधी १ चमचा खोबरेल तेलाने तुमच्या चेहऱ्याला साधारण ५ मिनिटं मालिश करा. खोबरेल तेल त्वचेसंबंधीच्या तक्रारी दूर करण्यात सहाय्यक असते.
- माझी त्वचा खूप ऑईली आहे. ऑईली त्वचेसाठी मुलतानी मातीचा फेस पॅक फायदेशीर ठरेल का?
मुलतानी मातीचा फेस पॅक तेल शोषून घेणारा मास्क आहे, जो ऑयली त्वचेच्या समस्यांपासून सुटका मिळण्यासाठी खूपच फायदेशीर असतो. मुलतानी मातीचा फेस पॅक अतिरिक्त तेल, मळ आणि मृत त्वचा पेशी नाहीशी करतो. थोडया वेळातच चेहऱ्याला स्वच्छ आणि गोरा बनवतो. तुमच्या चेहऱ्यावरून तेल नाहीसे कारण्याकरिता तुम्ही २ मोठे चमचे मुलतानी माती, १ टोमॅटो आणि १ लिंबाचा रस घ्या. टोमॅटोमधील बिया काढून त्याचा रस काढा. आता एका वाटीत हे सगळे साहित्य चांगले मिसळून पेस्ट बनवा आणि चेहऱ्यावर लावा. ३०-४० मिनिटं तसेच राहू द्या. आता बोटे गोल फिरवून हा पॅक काढा आणि पाण्याने चेहरा धुवा. तुम्ही हा पॅक आठवडयातून १-२ वेळा लावू शकता.
- माझे केस लांबसडक आणि दाट आहेत. अशावेळी केस रोज धुणे आणि मग सुकवणे त्रासदायक काम आहे. आठवडयातून किती वेळा केस धुवायला हवेत?
केस रोज धुवावे अथवा नाही हे तुमच्या केसांच्या टेक्सचरवर अवलंबून आहे कारण यामुळे हे निश्चित होते की केसांच्या मुळातून सीबम कसे तुमच्या केसात पसरते. जाड आणि कुरळया केसात सीबम हळुवार पसरते. म्हणून असे केस आठवडयातून केवळ एकदाच धुवायची गरज असते. तुमचे केस जाड आणि कुरळे आहेत आणि खूप दिवस धुतले नाहीत तरीही ते निर्जीव वाटणार नाहीत, म्हणून हे रोजरोज धुवायची गरज नाही. आठवडयातून एकदा जरी केस धुतले तरी त्यांत फार फरक पडणार नाही. जर तुमचे केस ऑयली असतील, तर मात्र तुम्ही केस आठवडयातून दोनदा धुवू शकता.
ऑईली केसांसाठी ड्राय शाम्पू वापरणे योग्य ठरेल. जर तुमचे केस पातळ आणि लांबसडक असतील तर तुम्ही एक दिवसा आड केस धुवू शकता.
