* पाककृती सहकार्य : ओम प्रकाश गुप्ता
- नवरत्न चिवडा करंजी
साहित्य
* २०० ग्रॅम मैदा
* ५० ग्रॅम रवा
* ६५ ग्रॅम तूप
* २५० ग्रॅम नवरत्न चिवडा
* तळणीसाठी तेल
* मीठ चवीनुसार.
कृती
मैदा, रवा, तूप व मीठ एकत्रित करून हाताने चोळून घ्या. गरजेनुसार पाणी टाकून थोडं घट्ट मळून घ्या. अर्ध्या तासासाठी झाकून ठेवा. नंतर छोटे छोटे गोळे करून घ्या. पातळ लाटी लाटून घ्या. करंजीच्या साच्यात ठेवून नवरत्न चिवडा भरून काठाने पाणी लावून घ्या आणि करंजीच्या आकार द्या. कढईत तेल गरम करून मंद आचेवर करंजी तळून घ्या.
- तिरंगी कटलेट्स
साहित्य
* अर्धा कप उकडलेले बटाटे मॅश करून
* १ कप मॅश केलेले मटार
* १ तुकडा पनीर मॅश केलेला
* २ मोठे चमचे कॉर्नफ्लॉवर
* १ छोटा चमचा हिरवी मिरची पेस्ट
* १ छोटा चमचा आलं पेस्ट
* १ छोटा चमचा जिरे
* १ छोटा चमचा हळद पावडर
* १ छोटा चमचा गरम मसाला
* चिमूटभर हिंग
* तळण्यासाठी तेल
* मीठ चवीनुसार.
कृती
पनीरमध्ये अर्धा चमचा हळद आणि मीठ टाका आणि ४ बॉल्स बनवून ठेवा. पॅनमध्ये १ चमचा तेल गरम करून त्यामध्ये जिरं, हिंग, हिरवी मिरची पेस्ट आणि आलं पेस्ट टाकून परतवून घ्या. मटार आणि इतर मसाले परतवून घ्या. या मिश्रणचे ४ पेढे बनवून ठेवा. मॅश केलेल्या बटाटयामध्ये कॉर्नफ्लॉवर आणि थोडं मीठ टाकून ४ पेढे बनवून ठेवा. आता मटारचे पेढे घेऊन १-१ हातावर ठेवून पसरवा आणि पनीरची एक स्लाईस मध्ये ठेवून चारही बाजुंनी बंद करून कटलेट बनवा. अशाप्रकारे बटाटयाच्या पेढ्यांना पसरवून मटारचे कटलेट ठेवा आणि बंद करा. असेच बाकी कटलेट्स बनवा. नंतर कढईत तेल गरम करा आणि ते सोनेरी रंगाचे होईपर्यंत तळा. ४-४ तुकडे करून हिरव्या चटणीसोबत सर्व्ह करा.