* नम्रता विजय पवार
- खीर
तांदळाची खीर
साहित्य
- 1 वाटी बासमती तांदूळ
- 1 लिटर दूध
- 1 वाटी साखर
- काजू, बदाम, पिस्ते, मनुका, केशर, वेलची पावडर
- 2 चमचे तूप.
कृती
एक वाटी बासमती तांदूळ (इतर कोणतेही घेऊ शकतो ) स्वच्छ धुवून अर्धा तास पाण्यात भिजवायचे मग त्यातलं पूर्ण पाणी काढून टाकून ते कणीदार जाडसर वाटून घ्यावेत. जाड बुडाच्या पातेल्यात दूध उकळत ठेवावे. त्या दुधाला एक उकळी आली कि वाटलेले तांदूळ त्यात घालून सतत ढवळत राहावे ज्यामुळे गुठळ्या होणार नाहीत. तांदूळ मऊ होऊ लागल्यावर त्यात आवडीनुसार साखर घालावी व ढवळत राहावे. भात पूर्ण मऊ झाला कि गॅस बंद करून त्यात वेलची-जायफळ पूड घालावी. केशर टाकावं. काजू ,बदाम, पिस्त्याचे पातळ काप एकत्रित करावे. शेवटी 2 चमचे तूप पसरावं. ही खीर गरम किंवा थंड कशीही छान लागते .
# टीप: तांदळाची खीर जसजशी थंड होते तशी ती सुकत जाते घट्ट होत जाते , त्यामुळे आपण त्यात सोयीनुसार गरम किंवा थंड दूध घालून पुन्हा थोडी पातळ करून सर्व्ह करू शकतो.