* पूनम पांडे
आयलाइनर आणि आयशॅडोच नव्हे, तर मार्केटमध्ये यलोपासून ब्लूपर्यंत आणि पिंकपासून ते ग्रीन शेड्सपर्यंत मस्काऱ्याच्या कलेक्शनमध्ये काही कमी नाहीए. अशा वेळी आपणही नेहमी ब्लॅक किंवा ट्रान्सपरन्ट शेड्सचा वापर करून कंटाळला असाल, तर एकदा कलरफुल मस्कारा जरूर ट्राय करा. मस्काऱ्याच्या कलरफुलल शेड्स डोळयांना मोठा आणि ब्राइट लुक देतात. ब्लॅक मस्काऱ्याच्या तुलनेत हे जास्त आकर्षकही दिसतात. अर्थात याची निवड करताना आपल्या त्वचेबरोबरच डोळयांचा रंग नीट लक्षात घ्या.
1 ब्लू मस्कारा
जर आपल्या डोळयांचा रंग ग्रे, ब्राउन किंवा लाइट ग्रीन असेल, तर आपण आपल्या वॅनिटी बॉक्समध्ये ब्लू शेड्सचा मस्कारा ठेवू शकता. मार्केटमध्ये ब्लूच्या अनेक शेड्चा मस्कारा उपलब्ध आहे. उदा. रॉयल ब्लू, नेव्ही ब्लू, सी ब्लू इ. ब्लूच्या या सर्व शेड्स फेअर कॉम्प्लॅक्शनच्या महिलांनाच नव्हे, तर डार्क आणि मीडीअम कॉम्प्लॅक्शन असलेल्या महिलांनाही सूट करतात. मात्र ब्लू शेड्चा मस्कारा नाइटऐवजी डे पार्टीतच जास्त खुलून दिसतो.
2 ग्रीन मस्कारा
डार्क ब्राउन शेड्सच्या डोळयांना ग्रीन शेड्सचा मस्कारा खूप छान दिसतो. स्किनटोनबाबत बोलायचे झाल्यास ब्लूप्रमाणेच ग्रीन कलरचा मस्काराही डार्क, फेअर, मीडीअम अशा सर्व स्किनटोनवर खुलून दिसतो. आपला ग्रीन मस्कारा अधिक खुलून दिसावा अशी आपली इच्छा असेल तर जेव्हाही ग्रीन कलरचा मस्कारा लावाल, तेव्हा त्यासोबत डार्क कलरचा आयशॅडो किंवा आयलाइनर लावायची चूक करू नका, अन्यथा डार्क शेड्पुढे आपला रंग फिका पडेल.
3 ब्राउन मस्कारा
ब्लॅक रंग वापरल्यानंतर लगेच कलरफुल मस्कारा वापरायला कचरत असाल, तर ब्राउन मस्काऱ्यापासून सुरुवात करा. हा ब्लॅक शेड्पेक्षा थोडा लाइट असतो. मात्र याचा इफेक्ट बराच नॅचरल दिसतो. मीडीअम आणि फेअर कॉम्प्लॅक्शन असलेल्या महिलांबरोबरच ब्राउन डोळयांच्या महिलांवरही ब्राउन शेड्चा मस्कारा खूप सुंदर दिसतो. हा पार्टी, फंक्शनसोबतच नेहमीही वापरता येईल. हा दिवसा किंवा रात्री दोन्ही वेळी छान दिसतो.
4 गोल्डन मस्कारा
जर तुम्हाला एखाद्या नाइट पार्टीचे आकर्षण बनायचे असेल, तर ग्रीन, ब्लू, पर्पल यासारख्या शेड्सचा मस्कारा सोडून गोल्डन शेड्च्या मस्काऱ्याची निवड करू शकता. हा सर्व प्रकारच्या शेड्च्या डोळयांवर खूप खुलून दिसतो. डार्कपासून ते मीडीअम आणि फेअर स्किनटोनच्या महिलांवरही गोल्डन शेड्चा मस्कारा छान दिसतो. म्हणजेच इतर शेड्स ठेवा अथवा नका ठेवू, पण पार्टीच्या आकर्षणाचे केंद्र बनायचे असेल, तर आपल्या वॅनिटी बॉक्समध्ये गोल्डन शेड् मस्काऱ्याला खास जागा जरूर द्या.
5 पर्पल मस्कारा
जर आपले डोळे छोटे आहेत आणि आपल्याला त्यांना मोठे दर्शवायची इच्छा असेल, तर डोळे बंद करून पर्पल शेड्चा मस्कारा आपल्या मेकअप बॉक्समध्ये जरूर ठेवा. हा ग्रीन, ब्राउन आणि ब्लू कलरच्या डोळ्यांवर जास्त सूट करतो. याच्या खास करून तीन शेड्चा जास्त वापर केला जातो. रॉयल पर्पल, प्लम आणि वायोलेट. जर आपला स्किनटोन डार्क असेल, तर पर्पल शेड्चा मस्कारा खरेदी करा. जर फेअर असाल, तर वायोलेट शेड आणि मीडीअम असेल, तर प्लम शेड् निवडू शकता. नाइटऐवजी पर्पल मस्कारा डे पार्टीमध्ये जास्त आकर्षक दिसतो.