* आसमीन मुंजाल, ब्यूटी ऐक्सपर्ट
मान्सूनमधील मेकअप हा असह्य वाटतो. अशात मान्सूनमध्ये लग्न असेल तर या मेकअपसंबंधीच्या सूचना तुमच्यासाठी फायदेशीर ठरू शकतात.
* पावसाळ्यात त्वचेची रोमछिद्रे खुली होतात. म्हणूनच मेकअप करण्यापूर्वी त्वचा व्यवस्थित स्वच्छ करून मॉइश्चराइज करावे. मेकअप करण्याच्या एक दिवस आधी अॅक्सफॉलिएशन किंवा स्क्रबिंगचा वापर करा. यामुळे त्वचेवरील मृत त्वचा निघून जाऊन त्वचा चमकदार व सुंदर दिसू लागेल.
* मान्सूनमध्ये असा मेकअप निवडा जो दिर्घकाळ त्वचेवर टिकून राहील. अशी उत्पादने निवडा, जी दिर्घकाळ आणि वॉटरप्रूफ असतील. कारण घामामुळे आणि वातावरणातील आद्रतेमुळे मेकअप पसरू लागतो किंवा फाटतो. अशावेळी ७ ते ८ तास टिकणारा मेकअप निवडा.
* आपल्या त्वचेच्या प्रकाराबद्दल जाणून घेणे गरजेचे आहे. आपल्या त्वचेचा प्रकार ओळखा. उदाहरणार्थ ड्राय, सेंसेटिव्ह, ऑयली, डिहायडे्रटेड, कॉम्बिनेशन, मॅच्योर इत्यादी. मान्सूनमध्ये त्वचेला हायडे्रट करणे म्हणजेच त्वचेतील आर्द्रता टिकवून ठेवणे गरजेचे आहे. बाहेरील तापमानाप्रमाणे शरीराचे तापमान संतुलित ठेवणे गरजेचे असते. त्यामुळे विशिष्ट प्रमाणात लस्सी, नारळ पाणी आणि सामान्य पाण्याचे सेवन करा. चहा, कॉफीचे सेवन कमी करावे.
* सर्वप्रथम चेहरा आणि मानेवर बेस आणि प्रायमर लावा. प्रायमर त्वचेतील पी.एच संतुलित करेल. मग त्वचा घामामुळे जास्त ऑयली दिसणार नाही. यामुळे मेकअप दीर्घकाळ टिकेल. जर त्वचा ऑयली असेल आणि घाम अधिक येत असेल तर मेकअप करण्यापूर्वी बर्फाच्या सहाय्याने कोल्ड कंप्रेशन करू शकता. बेस लावल्यानंतर वॉटरप्रूफ फाऊंडेशन किंवा सुफले किंव सिलिकॉन बेस एअरब्रश फाऊंडेशन लावा. डोळ्यांच्या मेकअपसाठी मॅटेलिक, शिमर, मॅट आयशॅडो निवडा, जो मान्सूनच्या लग्नासाठी एक उत्तम पर्याय आहे.
* मेकअप केल्यानंतर मेकअप फिक्सर स्प्रे लावण्यास विसरू नका. चेहऱ्यापासून ६ इंच दूर ठेवून स्प्रे करा. हा मेकअप लॉक करून दीर्घकाळ टिकून राहण्यासाठी सहाय्यक ठरतो.
* जर कोणाच्या लग्नात किंवा साखरपुडयाला जात असाल तर असे कपडे परिधान करा ज्यात सहज वावरता येईल आणि आरामदायक वाटेल. कपडे शरीराला चिकटलेले नसावेत. कारण घामाने अशा कपड्यात अस्वस्थ वाटू लागते.
* आजकाल कमी दागिने घालण्याचा ट्रेंड आहे. मान्सून लग्नासाठी फ्लोरल, वुडन आणि शैलचे नेकपीस निवडा. आवडत असेल तर मेटलचा नेकपीस घालू शकता.
* कपडे आणि दागिन्यांनंतर वेळ येते चपलांची. चपलांमधून हवा आरपार गेली पाहिजे. जेणेकरून पायांना घाम कमी येतो.
* मान्सूनच्या मोसमात बन, पफ, क्रॉस ब्रॅड्स, साइड फ्रेंच ब्रॅड्स इत्यादी हेअर स्टाइल निवडू शकता.