वेडिंग फोटोग्राफीचा नवा ट्रेंड

– गृहशोभिका टी

खरंच काळानुरुप सर्व बदलत जाते. आता लग्न आणि लग्नातील फोटोग्राफीचेच पहा ना, कालौघात यातही बरेच बदल झाले. तुम्ही कधी तुमच्या आईवडिलांच्या लग्नाचे फोटो पाहिले असतील तर त्यात तुम्हाला क्वचितच एखादा फोटो असा पहायला मिळाला असेल ज्यात ते कॅमेऱ्याकडे बघत असतील. बऱ्याच फोटोंमध्ये ते एकतर खाली किंवा इकडेतिकडे बघत असल्याचे पहायला मिळाले असेल. तो काळ वेगळा होता. मात्र काळ बदलला तशी वेडिंग म्हणजे लग्नातील फोटोग्राफीची पद्धत बदलली. आता लग्नाच्या बंधनात बांधले जाणारे जोडपे कॅमेऱ्यात पहायला लाजत नाहीत. उलट एकापेक्षा एक सरस पोझ देऊन फोटो काढायला लावतात.

आजच्या जोडप्यांना काहीतरी वेगळे हवे आहे. काही असे जे इतरांपेक्षा खास असेल. ज्यामुळे त्यांना सोशल मीडियावर खूप सारे लाईक्स मिळतील. त्यांना हे चांगलेच माहीत आहे की, लग्नाचे फोटो कायमच आठवण म्हणून त्यांच्या सोबत राहणार आहेत, शिवाय हे फोटो त्यांना सोशल मीडियावरही कौतुक आणि खूप सारे लाईक्स मिळवून देतील.

शेवटी या आठवणी आहेत

नवरा-नवरीसह त्यांच्या कुटुंबीयांनाही असे वाटत असते की सर्वांचे फोटो काढून घ्यावेत जेणेकरुन नंतर या फोटांच्या रुपात आठवणी जपून ठेवता येतील. तरीही या सर्वांमध्ये लग्नात जास्त महत्त्वाचे असतात ते नवरा-नवरी. यामागचे कारण अगदी सोपे आहे. लग्नाचा दिवस हा प्रत्येकच्या जीवनातील एक महत्त्वपूर्ण दिवस असतो. हा असा दिवस असतो ज्या दिवसासाठी तुम्ही न जाणो केव्हापासून आणि किती स्वप्नं पाहिलेली असता. लग्नाच्या दिवशी कितीतरी विधी आणि धामधुमीत हा अविस्मरणीय दिवस कधी संपतो ते कळतदेखील नाही.

आजच्या मॉडर्न जोडप्यांना लेटेस्ट ट्रेंड चांगल्याप्रकारे माहीत असतात, शिवाय आपल्या लग्नासाठी ते सोशल मीडियावर स्वत:च तयार केलेले हॅशटॅग टाकतात, जेणेकरुन जास्तीत जास्त लोकांना त्यांच्या लग्नाबद्दल समजेल. तंत्रज्ञान आणि त्याद्वारे शोधून काढलेल्या अशा नव्या पद्धती सुंदर फोटोंची इच्छा असणाऱ्यांची चांगल्या प्रकारे मदत करत आहेत.

ही तंत्रज्ञानाचीच देण आहे ज्यामुळे आज लग्न आणि आऊटडोअर सेलिब्रेशमध्ये ड्रोनही पहायला मिळत आहेत, जे एकापेक्षा एक सुंदर फोटो आणि व्हिडीओ कैद करत असतात. अशा नवनवीन तंत्रज्ञानामुळे आणि सोशल मीडियामुळे सध्या खरंच खूप बदल झाले आहेत.

कँडिड फोटोग्राफी

प्रकरण फक्त येथेच थांबत नाही. जोडपे आपला लग्नाचा दिवस कशाप्रकारे कायमचा लक्षात ठेवू इच्छितात, याची माहिती करुन घेऊन त्यानुसार कशी फोटोग्राफी करायची याचा पर्याय निवडतात. काही जोडपी कँडिड फोटोग्राफी, तर काही पोज फोटोग्राफ्स निवडतात. पहायला गेल्यास पोज फोटोग्राफ्स दिसायला खूपच सुंदर आणि आकर्षक असतात, पण कोणत्याही जोडप्याला लग्नाचे सर्वच फोटो हे पोज फोटो असावेत असे वाटत नाही कारण, अशा फोटोंमध्ये एकसारखेच स्मितहास्य, हावभाव पहायला मिळतात. म्हणूनच नव्या फोटोग्राफीत जास्तीत जास्त नैसर्गिक क्षण कॅमऱ्यात कैद करायला महत्त्व दिले जात आहे.

याची तयारी म्हणून जास्तीत जास्त फोटोग्राफर्स आता डिजिटल फोटोग्राफीचा वापर करीत आहेत. फोटोग्राफीसाठी एचडी म्हणजेच हाय डेफिनेशन डीएसएलआर आणि एसडी मार्कसारख्या कॅमेऱ्याची निवड केली जाते. अशा हाय क्वॉलिटी कॅमेऱ्यातून केलेल्या फोटोग्राफीचा फायदा असा होता की, फोटो आणि व्हिडीओज खूप उच्च आणि चांगल्या प्रतीचे येतात.

आजच्या युगात वेडिंग फोटोग्राफीचेही तीन प्रकार आहेत. पहिला आहे लग्नाआधीची फोटोग्राफी, ज्याला प्री वेडिंग फोटोग्राफी म्हणतात. दुसरा म्हणजे लग्नाच्या दिवशीची फोटोग्राफी आणि तिसरा प्रकार लग्नाच्या नंतरची फोटोग्राफी म्हणजे पोस्ट वेडिंग फोटोग्राफी. आता एवढे सर्व प्रकार पाहिल्यानंतर एक गोष्ट प्रकर्षाने जाणवते ती म्हणजे, प्रत्येक फोटो काहीतरी सांगत असतो.

प्रत्येक जण लग्नाच्या सुंदर आठवणी जतन करुन ठेवू इच्छितो, पण आता केवळ लग्नातीलच नव्हे तर प्री वेडिंग आणि पोस्ट वेडिंग क्षणांनाही कैद करून ठेवले जात आहे. आता ती वेळ गेली जेव्हा लग्नाच्या दिवशी आणि त्याआधी साखरपुडा, हळद, मेहंदी याचदिवशी फोटो काढले जायचे.

प्री वेडिंग फोटोग्राफी

प्री वेडिंग फोटोग्राफीची क्रेझ २-३ वर्षांपूर्वी खूपच कमी होती. पण आजकाल प्रत्येकालाच प्री वेडिंग फोटोचे वेड लागले आहे. याचे खास वैशिष्टय म्हणजे नवरा-नवरी अगदी सहजपणे एकमेकांना समजून घेऊ शकतात.

प्री वेडिंग शूटचे ठिकाण जोडप्याच्या आवडीनुसार ठरवले जाते. कोणाला डोंगरदऱ्या आवडतात, कुणाला समद्र किनारा, तर कोणाला किल्ला किंवा राजवाडा आवडतो. जिम कॉर्बेट, नीमराणा, उदयपूर, जयपूर, गोवा, केरळ, दुबई, मलेशिया, थायलंडला जाऊन केलेला प्री वेडिंग शूटचा खर्च १ लाखापासून ५ लाखांपर्यंत येतो.

काही जण असेही असतात जे इतका खर्च करु शकत नाहीत. अशा कमी बजेट असणाऱ्यांसाठी फोटोग्राफर्स आऊटडोअर लोकेशन म्हणून दिल्लीतील लोदी गार्डन, हूमायूचा मकबरा, निसर्ग उद्यान अशा ठिकाणी शूट करायचे. पण अलिकडे पोलिसांचे निर्बंध वाढू लागले आहेत आणि आता या ठिकाणी शूटिंगची परवागनी नाही.

यावर उपाय म्हणून एनसीआर येथे काही असे स्टुडिओ सुरू करण्यात आले आहेत जिथे चित्रपटांप्रमाणेच सेट लावून प्री वेडिंग शूट केले जाते. आजकाल असे सेट जोडप्यांना जास्त आवडू लागले आहेत, कारण तिथे शूट करणे फारच सोपे झाले आहे. तुम्हाला कसलीच काळजी करायची गरज नसते कारण, तिथे शूटिंगपासून ते पेहरावापर्यंत सर्व मिळते.

पोस्ट वेडिंग फोटोग्राफी

वेडिंग शूट हे लग्न ठरल्यानंतर लग्न होईपर्यंत केले जाते. तर पोस्ट वेडिंगचे फोटो शूट लग्नानंतर लगेचच केले जाऊ लागले आहे. आता प्री वेडिंगप्रमाणेच पोस्ट वेडिंग शूटिंगकडेही जोडप्यांचा कल वाढला आहे. हनिमूनदरम्यान हे फोटो शूट केले जाते. जे जोडपे लग्नानंतर लगेच हनिमूनला जाऊ शकत नाहीत ते शहरातील जवळपासच्या चांगल्या ठिकाणी फोटो शूट करुन घेतात. खासकरुन हातावरची मेहंदी उतरत नाही तोपर्यंतच हे फोटो शूट केले जाते.

आता नॉर्मल फोटो शूटऐवजी हाय टेक्नॉलॉजीच्या मदतीने केले जाणारे फोटो शूट अधिक पसंत केले जात आहे. यात जास्त करुन ड्रोन कॅमेऱ्याचा उपयोग केला जात आहे.

पोस्ट वेडिंग शूट हे वेडिंग शूटमधील शेवटचे शूट असते, जिथे जोडपे जास्त रोमँटिक पोज देऊन फोटो शूट करताना पहायला मिळतात. अनेक जोडपी थीमनुसार शूट करणे पसंत करतात.

व्हॅलेंटाइन डे ला निवडाल डेटिंग ड्रेस अन् मेकअप

– गरिमा पंकज

व्हॅलेंटाइन डे एक अशी उत्तम संधी आहे, जेव्हा वातावरण रंग आणि रोमान्सने सुगंधित झालेले असते. आपण १६ ते ७६ कोणत्याही वयाचे असाल, या दिवशी आपल्या पती किंवा बॉयफ्रेंडसोबत रोमांचक डेटवर जा आणि यासाठी थोड्या वेगळ्या पध्दतीने तयार व्हायला विसरू नका, जेणेकरून ही डेट आपल्यासाठी अविस्मरणीय बनेल.

पेहराव असावा खास

या संदर्भात सादर आहेत, अॅलिगेंजा रिज्युव्हिनेशन क्लीनिक अँड अॅम्पायर ऑफ मेकओव्हर्सच्या फाउंडर आशमीन मुंजालच्या काही खास टीस :

्रेस असावा खास : आपण बॉयफ्रेंडसोबत डेटवर जात असाल, तर शॉर्ट् फ्लेयर्ड ड्रेसची निवड करा. हा आपल्याला गर्लिक लुक देईल. विवाहित असाल, तर सुंदर साडी उत्तम पर्याय आहे, जी फेमिनीन लुक देते. फ्लोरल प्रिंटेड, जॉर्जेट फेब्रिकमध्ये लाइट पिंक किंवा रेड कलरची साडी अगदी यशराजच्या फिल्म हिरोइनींरखी तुम्हाला रोमान्सच्या रंग आणि जाणिवांनी भारून टाकेल. जॉर्जेटची साडी हलकी आणि कंफर्टेबल असते. याउलट हेवी वर्कवाली साडी नेसल्यावर आपण तिच सांभाळत राहाल.

सेम कलर थीम : आपली इच्छा असल्यास आपण आपल्या जीवनसाथीसोबत सेम कलर थीम ट्राय करू शकता. आजकाल मेड फॉर इच अदर टीशर्टस्/ड्रेसेसही मिळतात. ते घालून आपण आपल्या जीवनसाथीसोबत चालाल, तर आपल्याला संपूर्णतेची जाणीव होईलच, पण पाहणारेही आपल्या बाँडिंगचे चाहते होतील.

क्रिएटीव्हिटी : अशा वेळी आपण शाल किंवा पूर्ण बाह्यांचे पेहराव घालणे टाळा. साडी नेसायची असेल तर ब्लाउजसह एक्स्पेरीमेंट करा. हॉल्टरनेक, नूडल्स स्ट्रॅपी, किंवा स्वीटहार्ट नेकवाले ड्रेसेस खूप आकर्षक वाटतील.

बॉडी शेप : पेहरावांची निवड करताना आपल्या बॉडीचा शेपही लक्षात ठेवा. जर आपली हाइट अधिक असेल, तर लाँग फ्लोइंग अनारकली सूट किंवा गाउन छान वाटेल आणि जर हाइट कमी असेल, तर वनपीस ड्रेस किंवा मिडी चांगली दिसेल.

मॅक्स फॅशनच्या डिझायनर कामाक्षी कौलच्या मतानुसार, व्हॅलेंटाइन डेला वापरा काहीतरी ट्रेंडी आणि स्टाइलिश. उदा:

अॅडव्हेंचर डेटसाठी ड्रेस : जर आपण आउटडोर व्हॅलेंटाइन डे प्लान केला असेल म्हणजे एखाद्या ट्रीपला जाऊन किंवा स्पोर्टी इव्हेंटमध्ये भाग घेत त्या दिवसाचा आनंद घ्यायचा असेल, तर आपल्यासाठी जीन्स आणि टॉप उत्तम पर्याय आहे. जीन्स वावरायला कंफर्टेबल असते. त्यावर चिक टॉप आणि लेदरचे जॅकेट स्मार्टनेस वाढवेल. डार्क वॉश स्किनीज, टॉल रायडिंग बूट आणि कलर ब्लॉक स्वेटरमध्येही आपण स्मार्ट लुकसह अॅडव्हेंचरस डेटचा आनंद घेऊ शकता.

ज्वेलरी आणि एक्सेसरीज : आशमीन मुंजाल सांगते की यावेळी कधी हेवी ज्वेलरी घालू नका. हलकी ज्वेलरी आणि मोकळे केस आपल्याला वेगळा आकर्षक लुक प्रदान करतील. केस नॅचरल लुकमध्ये ठेवा. वाटल्यास कलर्स, रिबाँडिंग, परमनेंट वेव्ह इ. करून अगदी वेगळे दिसा. थोडेसे स्टाईलिश दिसण्यासाठी सनग्लासेस, हलक्या हिल्स, कलरफुल बँगल्स, स्कार्फ, नेलआर्ट, नेल एक्सटेंशन इ. चांगले पर्याय आहेत.

लाँग जॅकेट किंवा कॅप : आजकाल लाँग जॅकेटचा जमाना आहे. हा स्टायलिश दिसण्याबरोबरच प्रत्येक प्रकारच्या ड्रेसवर शोभूनही दिसते. व्हॅलेंटाइन डेच्या निमित्ताने सामान्य कुर्तीसोबतही याचा वापर करून आपण स्टायलिश लुक मिळवू शकता.

प्लाजो किंवा धोती पँट : प्लाजो आणि धोतीपँट कुर्तीसोबत घातलात, तर अगदी डिफरंट लुक मिळतो. आपली इच्छा असेल तर जुन्या कुर्तीला बेलबॉटम जीन्ससह घालू शकता.

इनोव्हेटिव्ह ब्लाउज : क्लासिक साडी ब्लाउजऐवजी थोडेसे नवीन एक्सपेरीमेंट करा. एका जुन्या क्रॉप टॉपला साडी किंवा धोतीपँटसह ब्लाउजप्रमाणे घालून आपण स्टायलिश आणि डिफरंट दिसू शकता.

सीक्वेंस : सीक्वेंस आणि लेयर्स नेहमी स्टाईलमध्ये राहिले आहेत. जेव्हा गोष्ट व्हॅलेंटाइन डेची असेल, तेव्हा त्याकडे दुर्लक्ष करून कसे चालेल? एम्ब्रॉयडर्ड स्लिप किंवा कोल्ड शोल्डर टॉपसह डेनिम किंवा मग लेदरची पँट रात्री उशिरापर्यंत वापरली जाऊ शकते.

अनलिमिटेड कहानियां-आर्टिकल पढ़ने के लिएसब्सक्राइब करें