* एल्पस ब्युटी क्लीनिकच्या फाउंडर, डायरेक्टर डॉ. भारती तनेजा
मी डँड्रफ समस्येने त्रासली आहे. मी अनेक शाम्पू वापरले. परंतु सर्व व्यर्थ. सोबतच डॅन्ड्रफ इचिंगदेखील होतं. कृपया उपाय सांगा?
डँड्रफची समस्या सामान्यपणे कोरड्या आणि तेलकट दोन्ही प्रकारच्या केसांमध्ये निर्माण होते. यावर वेळेतच उपाय नाही केले तर केस गळून त्वचेत इन्फेक्शन पसरण्याची भीती असते. सोबतच केसांची मूळंदेखील कमजोर होतात. ज्यामुळे हेअर फॉलची समस्या निर्माण होते, म्हणून वेळेतच उपचार आवश्यक आहेत. यासाठी आठवडयातून कमीत कमी तीन वेळा केसांमध्ये शाम्पू करा आणि केस धुण्यासाठी गरम पाण्याऐवजी कोमट पाण्याचा वापर करा. याच्या इन्फेक्शनपासून वाचण्यासाठी तुम्ही तुमचा कंगवा, टॉवेल व उशी वेगळी ठेवा आणि यांच्या स्वच्छतेची काळजी घ्या. जेव्हा केस धुवाल तेव्हा या तिन्ही गोष्टी व्यवस्थित एखाद्या अँटीसेप्टिक पाण्यामध्ये अर्धा तास बुडवून ठेवा आणि उन्हात सुकवूनच पुन्हा वापर करा.
डोक्यात तेलकट केस असल्यामुळे कोंडा असेल तर एक चमचा त्रिफळा पावडर एक ग्लास पाण्यामध्ये टाकून थोडया वेळासाठी उकळवा. थंड झाल्यावर हे गाळून घ्या आणि पुन्हा दोन मोठे चमचे विनेगर एकत्रित करून रात्री केसांना व्यवस्थित मसाज करून घ्या. सकाळी एखाद्या चांगल्या शाम्पूने केस धुवा.
एवढं करूनसुद्धा त्रास कायम असेल तर एखाद्या चांगल्या कॉस्मेटिक क्लिनिकमध्ये जाऊन ओझान ट्रीटमेंट वा बायोप्ट्रोनची सीटिंग्स घेऊ शकता. यामुळे डँड्रफवरती नियंत्रण राहील, सोबतच डॅन्ड्रफमुळे होणाऱ्या केस गळतीवरदेखील नियंत्रण मिळेल.
त्वचेला इन्स्टंट ग्लो आणण्यासाठी पिल ऑफ मास्क किती महत्त्वाचा आहे? मी माझ्या हनिमूनच्या दरम्यान ते वापरू शकते का?
तुम्ही आरामात तुमच्या हनिमूनच्यादरम्यान हे वापरू शकता. बाजारात अलीकडे अनेक चांगल्या कंपनीचे पील ऑफ मास्क मिळत आहेत. पील ऑफ मास्क अनेकदा फळांच्या साली आणि पानांनी बनलेले असतात. म्हणून यामध्ये असणारे अनेक अँटीऑक्सिडंट नैसर्गिकरित्या फ्री रेडिकल्सशी लढण्यास मदत करतात, ज्यामुळे तुमच्या त्वचेवर वयोपरत्वे होणारे बदल खूप हळू होतात आणि तुम्ही दीर्घकाळ तरुण दिसता. पील ऑफ मास्क चेहऱ्याला व्हाईटन आणि ब्राईटन करण्याचं काम करतं. हे लावल्यानंतर चेहऱ्यावर नवीन त्वचेचा थर येतो. ज्यामुळे चेहऱ्याचं कॉम्प्लेक्शन क्लीन अँड क्लिअर दिसतं. सूर्य किरणांमुळे चेहऱ्यावर येणारे टॅनिंग दूर करण्यासाठीदेखील याचा वापर केला जातो. कोरडया त्वचेला मुलायम बनविण्यासाठी पील ऑफ मास एक उत्तम उपाय आहे.
माझी त्वचा सेन्सिटिव्ह आहे, म्हणून वॅक्सिंगनंतर माझ्या त्वचेवर लाल पुरळ येतं, तसंच मला नको असलेला केसांपासून सुटका हवी आहे त्यासाठी मी काय करू?
त्वचेवर लाल पुरळ येऊ नये यासाठी तुम्ही वॅक्सिंग पूर्वी अँटीअॅलर्जीक टॅबलेट घेऊ शकता. नको असलेल्या केसांपासून सुटका मिळवण्यासाठी तुम्ही पल्स लाईट ट्रीटमेंटच्या सीटिंग्स घेऊ शकता. हे एक इटालियन तंत्रज्ञान आहे जे नको असलेले केस रिमुव्ह करण्याचा सर्वात वेगवान, सुरक्षित व वेदनारहित उपाय आहे. पल्स लाईटच्या काही सीटिंग्समुळे ८० टक्के नको असलेले केस दूर होतात आणि उरलेले केस एवढे पातळ आणि हलक्या रंगाचे होतात की ते दिसूनदेखील येत नाही.
मी माझ्या चेहऱ्यावरच्या केसांबाबत खूपच त्रासलेली आहे. ते दूर करण्यासाठी लेडीज रेझरचादेखील वापर केला, परंतु काहीच फायदा झाला नाही?
सामान्यपणे चेहऱ्यावर केस उगविण्याचं प्रमुख कारण हार्मोन्सचा असमतोलपणा आहे. यासाठी सर्वप्रथम तुम्ही हार्मोन्सची तपासणी करा. यासाठी एखाद्या चांगल्या एंडोक्राईनोलॉजीस्टचा सल्ला घ्या. लेडीज लेझर चेहऱ्यावर वापर करू नका कारण याच्या वापरामुळे राठ केस येतात. सोबतच त्वचा काळी पडते. यासाठी योग्य उपाय हाच आहे की या केसांना कायमच हटविण्यासाठी पल्स लाईट ट्रीटमेंटच्या सीटिंग्स घ्या. हा सर्वात सुरक्षित आणि सहजसोपा उपाय आहे. यामध्ये डाग पडण्याची भीती नसते आणि कोणताही त्रास होत नाही.
माझ्या पोटावर केस आहेत. यामुळे मी शॉर्ट टॉप व ब्लाऊज घालूच शकत नाही. मी ते शेविंगने काढू शकते का?
अजिबात नाही, तुम्ही रेझरचा वापर करून हे काढू शकत नाही कारण यामुळे पुन्हा केस अधिक राठ येतील. जर तुमच्या पोटावर केस कमी असतील तर तुम्ही ते ब्लिच करू शकता. ब्लीचने केस हलक्या रंगाचे होतील, यामुळे त्रासण्याचीदेखील गरज नसते. ते दूर करण्यासाठी तुम्ही हेअर रिमूवल क्रीमचा वापर करू शकता. मात्र एक गोष्ट लक्षात ठेवा की ज्या क्रीमचा तुम्ही वापर करणार आहात ती तुमच्या त्वचेला सूट करणारी असावी. तुम्ही पोटाचे केस वॅक्सिंगने काढण्यासाठी पल्स लाईट लेझरचा वापर करू शकता.
