* प्रतिनिधी
नाते जोडणे अतिशय सोपे आहे पण ते निभावणे कठीण आहे. एका चांगल्या नात्याचा अर्थ केवळ फुल देणे आणि छान छान ठिकाणी डिनर करणे हा नसतो. तशा तर खूप अशा गोष्टी असतात, ज्या केल्याने तुमचे संबंध विस्कटू शकतात. पण अशा काही चुका आहेत, ज्या तुम्ही सिरिअस संबंधांमध्ये चुकूनही करता कामा नये. जर तुम्ही आपल्या नात्याच्या बंधनाला मजबूत बनवू इच्छित असाल तर या ५ चुका अवश्य टाळा.
रोमांसमध्ये कमी
एक वेळ अशी असते की तुम्ही समाधानी असता आणि विसरता की नात्यात प्रेम आणि रोमान्सही आवश्यक आहे. असे मानले जाते की प्रेमाचे प्रदर्शन केले जात नाही तर ते समजून घ्यायचे असते. जर तुम्ही एखाद्यावर खरे प्रेम करत असाल तर तो माणूस स्वत:च तुमचे प्रेम समजून घेईल पण कधी कधी जर तुम्ही आपले प्रेम जाहीर केले तर यामुळे तुमच्या जोडीदाराला एक वेगळाच आनंद मिळेल. तुमच्यासाठी आवश्यक आहे की नात्यात रोमांस येऊ द्या आणि तो कायम ठेवण्यासाठी प्रयत्न करत राहा. कधीकधी प्रेम व्यक्त करून आपल्या जोडीदाराला स्पेशल वागणूक द्या.
परफेक्ट जोडीदाराची अपेक्षा
या जगात कोणताच माणूस परफेक्ट नसतो म्हणून ही अपेक्षा करणे अयोग्य आहे. प्रत्येक बाबतीत आपल्या जोडीदाराला हिणवायचे आणि त्याच्या चुका काढत बसायचे हे बरोबर नाही. जर त्याच्याकडून एखादी चूक झाली तर त्याला रागावण्याऐवजी समजवा. सतत त्याच्या चुका दाखवल्याने त्याचा आत्मविश्वास कमी होईल. तुम्ही त्याच्याकडून फार अपेक्षा ठेवल्या नाहीत तर अधिक बरे होईल आणि जरी एखादी चूक झालीच तर दुसऱ्यांसमोर त्यांना हटकू नका. याउलट ती आपापसात सोडवा, त्याला त्या सुधारवायच्या पद्धती सांगा जेणेकरून परत अशी चूक होणार नाही.
परिस्थितीला सामोरे जा
खूपदा आपण विचार करतो की एखादा वाद संपवण्यासाठी त्याविषयी न बोललेच बरे. पण बोलल्याशिवाय तुमचे सगळे वाद संपुष्टात येणार नाहीत उलट जास्त वाढू शकतील. जर तुम्हा दोघांमध्ये वाद असतील तर त्यांना सामोरे जा. सामोरे गेल्याने तुमच्यातले वाद नाहीसे होतील. या मतभेदांबाबत आपल्या जोडीदाराशी संवाद साधा, दुसऱ्या कोणाला याबद्दल सांगायची चूक करू नका. असे केल्यास लोकांमध्ये तुमचेच हसे होईल. कोणीच तुमच्या समस्यांचे समाधान करणार नाही. उलट तुम्हाला आणखीनच निराश करतील. आरामात बसून एकमेकांशी बोला आणि समस्येचे निराकरण करा.
जास्त बंधनात ठेवू नका
आपल्या नात्याला थोडी स्पेस द्या. जास्त दखल देणंही योग्य नसतं. जेव्हा तुम्ही प्रेमात असता तेव्हा तुम्हाला सगळया गोष्टी सोबत कराव्याशा वाटतात, पण नात्याच्या सुरूवातीला हे बरे वाटते. जसं तुम्ही पुढे जाता तसे जास्त एकमेकांसोबत राहणेसुद्धा तुमच्या नात्यासाठी नुकसानदायक ठरू शकते. प्रत्येक माणसाचे आपले असे जीवन असते आणि थोडा खाजगी वेळ तुमचं नातं अधिक बळकट बनवू शकतं.
स्वत:ला आणि आपल्या जोडीदाराला बदलवण्याचा प्रयत्न
कधीही आपल्या जोडीदाराला खुश करण्यासाठी स्वत:ला बदलू नका किंवा मग आपल्या आनंदासाठी जोडीदाराला बदलण्याचा प्रयत्न करू नका. जर तुमी प्रेमात असाल तर तुम्ही जशा आहात तशाच त्याला आवडाल आणि तुम्हीसुद्धा त्याला असेच आवडून घ्यायला हवे. जर कोणी तुम्हाला बदलवू पाहात असेल तर त्याचे प्रेम तुमच्यापेक्षा जास्त दिखाव्यावर आहे. प्रेमाचा अर्थ एकमेकांच्या लहानसहान वस्तूंवर प्रेम करणे आहे, प्रत्येक बाबतीत एकमेकांना समजून घेतले पाहिजे.