* पूजा भारद्वाज
उत्सवप्रसंगी जेव्हा काही खास परिधान करण्याचा विचार सुरू असतो, तेव्हा महिला साडी, सूट, लहंगासारख्या ट्रेडिशनल खरेदीला पसंती देतात, कारण त्यांना एकदम हटके दिसायचे असते. पण त्यांनी हेसुद्धा जाणून घेणे गरजेचे आहे की फक्त एथनिक वेअर परिधान करून त्यांना अट्रॅक्टीव्ह लुक मिळणार नाही, पण योग्य प्रकारे केलेला मेकअप हा त्यांचा आणि त्यांच्या ड्रेसचा ओव्हरऑल लुक चेंज करतो.
फेस्टिव्ह मेकअपच्या वेळेस या गोष्टींकडे विशेष लक्ष असू द्या :
फाउंडेशन आणते ग्लो
तुम्ही साडी नेसणार असा, लहंगाचोली किंवा मग सलवार सूट. फाउंडेशन प्रत्येक आउटफिटमध्ये तुमचा ग्लो टिकवून ठेवते. कारण ते फक्त चेहऱ्याच्या स्किनलाच हलके करते असे नाही तर चेहऱ्यावरील डाग लपवायलाही हे मदत करते. हे त्वचेला चमकदार बनवते. फाउंडेशन हे स्किनला एकसारखे बनवते. त्यामुळे मेकअप करताना कंसीलरसोबत फाउंडेशनचा वापर करा.
हायलाइटर देतो परफेक्ट लुक
आपल्या ट्रेडिशनल लुकला पूर्ण करण्यासाठी फाउंडेशन नंतर मॅट हायलाइटरचा वापर करा, कारण हा तुम्हाला परफेक्ट कॅमेरा लुक देतो. जर तुम्ही ब्लॅक, आयव्हरी, ब्ल्यू, ग्रीन इ. रंगांचा ड्रेस घालणार असाल, तर आपल्या नोज ब्रीज, चीकबोन्स आणि चीनला गोल्ड कलरने हायलाइट करा. असे केल्याने तुमचे फिचर्स उठून दिसतील. तुम्हाला आवडत असल्यास आपल्या स्किननुसार ब्रॉन्झ, पीच, पिंक शेड हायलाइट तुम्ही निवडू शकता.
डोळयांना बनवा सुंदर
डोळे हे चेहऱ्याचा सर्वात सुंदर भाग असतात आणि मेकअप करून त्यांचे सौंदर्य अधिकच खुलवता येते. यासाठी ट्रेंडी आयशॅडो, मस्कारा आणि काजळने आपला लुक एकदम बदलून टाका. हल्ली विंग्ड आयलाइनर इन आहेत, जे डोळयांना परफेक्ट लुक देतात. याशिवाय कलर्ड आयलाइनरही फॅशनमध्ये आहे.
ओठ डिफरंट दिसण्यासाठी
लिपस्टिक लावल्यावरच मेकअप लुक पूर्ण होतो. म्हणूनच आपल्यासाठी योग्य शेडची निवड करा, तुम्ही हवे तर मॅट किंवा ग्लॉसी लिपस्टिक निवडू शकता. जर तुमचा आय मेकअप डार्क असेल तर चेहऱ्यावर मेकअपचा बॅलन्स राखण्यासाठी ओठांवर लाइट शेड जसे की बेबी पिंक किंवा लाइट पीचच लावा किंवा रेड शेड लावून तुम्ही आपल्या मेकअपला बोल्ड लुकही देऊ शकता.
बॅलन्स आहे जरुरी
ट्रेडिशनल, एथनिक वेअरमध्ये एम्ब्रॉयडरी ब्लाउज, लेहंगा, हेवी साडी यांचा समावेश होतो. त्यामुळे हे आवश्यक असते की तुमचा मेकअप आणि ड्रेस एकमेकांना पूरक असला पाहिजे. त्यामुळे जर तुम्ही हेवी ड्रेस आणि हेवी ज्वेलरी घालणार असाल तर तुमचा मेकअप हा मॅट असला पाहिजे आणि जर कंटेपररी लुक हवा असेल तर न्यूड मेकअप करावा.
हे सुद्धा जाणून घ्या
* हल्ली न्यूड मेकअपसुद्धा खूप फॅशनमध्ये आहे. हा मेकअप तुम्हाला एकदम वेगळा लूक देतो. बऱ्याचशा सेलिब्रिटीजही या लुकला पसंती देत आहेत.
* हल्ली विंग्ड आयलाइनरची फार क्रेझ आहे. अनेकदा मुली ट्रेडिशनल वेअरसोबत पूर्ण आय मेकअप न करता फक्त विंग्ड आयलाइनर लावून हटके दिसण्याचा प्रयत्न करतात.
* लाल लिपस्टिक फार पूर्वीपासून ट्रेंडमध्ये आहे, जी बोल्ड लुक देते.
* डोळयांचे सौंदर्य अधिक खुलवण्यासाठी तुम्ही कृत्रिम आयलॅशेस वापरा. यामुळे डोळे टपोरे आणि मोठे दिसतील.
* ट्रेडिशनल लुकसोबत स्मोकी आइज मेकअप छान दिसतो, पण या दिवसांत प्लेन स्मोकी लुकआउट ऑफ फॅशन आहे. अशावेळी तुम्ही तुमच्या ड्रेसला मॅचिंग कलर डोळयांवर अॅड करू शकता.
* जर तुम्हाला टाइमलेस लुक हवा असेल, तर जेल आयलाइनर लावा, जो तुम्हाला एक शानदार लुक देईल.
